Hitað upp fyrir NBA-deildina - Suðausturriðillinn 30. október 2007 17:31 Kevin Garnett, Paul Pierce og Ray Allen verða væntanlega sterkir með Boston Celtics í vetur. Nordic Photos / Getty Images Tímabilið í NBA-deildinni í körfubolta hefst í kvöld. Eins og alltaf má búast við skemmtilegum vetri en hér má finna helstu upplýsingar um liðin í deildinni. San Antonio Spurs varð meistari í vor en síðustu ár hafa lið í Vesturdeildinni haft mikla yfirburði yfir liðum í Austurdeildinni. Þennan mun má helst sjá á árangri liðanna í fyrra, reiknað upp eftir riðlunum sem liðin leika í. Smellið á riðlana hér að neðan til að skoða umfjöllun um liðin: Suðvesturriðill: 58% sigurhlutfall (238 unnir leikir - 172 tapaðir) Kyrrahafsriðill: 53,1% (218-192)Miðriðill: 52,4% (215-195)Norðvesturriðill: 46,5% (191-219) Suðausturriðill: 45,8% (188-222)Atlantshafsriðill: 43,9% (180-230) Nú er hins vegar Boston Celtics komið með gríðarlega sterkt lið með tilkomu þeirra Kevin Garnett, Paul Pierce og Ray Allen. Kannski að Celtics endurlifi gömlu góðu dagana og skili einum titli í hús. Stóru liðin á vesturströndinni vilja kannski hafa eitthvað um það að segja. Lykilmaður Charlotte: Jason Richardson. Suðausturriðillinn: Charlotte Bobcats Lærisveinar Michael Jordan eiga ágætan möguleika á því að komast í úrslitakeppnina í ár en spekingar halda því fram að liðið skorti reynslu og hæð. Sean May og Adam Marrison eru þó báðir meiddir og verða væntanlega ekkert með á tímabilinu. Það gæti reynst dýrkeypt. Í vor var Sam Vincent ráðinn sem þjálfari liðsins en hann hefur áður starfað sem aðstoðarþjálfari hjá Dallas. Liðið fékk Jared Dudley í nýliðavalinu og gæti reynst góður liðsstyrkur. Það mun einnig skipta miklu máli að Emeka Okafor haldi sér heilum. Þetta er fjórða tímabilið sem Charlotte Bobcats tekur þátt í. Mikið mun mæða á Gerald Wallace sem var stigahæsti leikmaður liðsins á síðustu leiktíð. Jason Richardson kom til liðsins í sumar og gæti styrkt sóknarleikinn. Hann hefur þó líka átt við meiðsli að stríða á undanförnum árum. Liðið er ágæt blanda af ungum og efnilegum leikmönnum ásamt reyndum mönnum. Það má þó lítið út af bera og ef meiðsli leikmanna verða alvarlegri en nú gæti róðurinn orðið þungur. Lykilmaður Atlanta: Joe Johnson (til hægri). Atlanta Hawks Er loksins komið að því að Atlanta Hawks rísi upp úr öskustónni og eigi þokkalegt tímabil? Það lítur allt út fyrir það. Liðið vann sjö af átta leikjum sínum á undirbúningstímabilinu og hefur komið mörgum á óvart með sterkri frammistöðu á vellinum. Liðið hefur ekki komist í úrslitakeppnina á þessari öld. Síðast gerðist það árið 1999 þegar liðið tapaði 4-0 fyrir New York í annarri umferð. Atlanta fékk tvo sterka leikmenn í nýliðavalinu - þá Al Horford og Acie Law. Sá fyrrnefndi var þriðji í valinu og Law ellefti. Liðið hefur styrkt sig og mun bæta sig á tímabilinu. Margir efast þó um að það sé nógu sterkt til að komast í úrslitakeppnina. En ef það heldur áfram á þessari braut er aldrei að vita hvað framtíðin beri í skauti sér. Lykilmaður Orlando: Dwight Howard Orlando Magic Hafa átt frábært undirbúningstímabil og unnið sex leiki af sjö. Fengu gríðarlegan liðsstyrk er Rashard Lewis kom til liðsins frá Seattle en hann og Dwight Howard verða í aðalhlutverki hjá liðinu í vetur. Stan Van Gundy tók við liðinu í sumar en hann stýrði Miami Heat með góðum árangri árin 2003 til 2005. Grant Hill er farinn til Phoenix Suns og hinn mjög svo geðveiki Darko Milicic fór til Memphis. Liðið hefur þó fengið Pólverjann Marcin Gortat sem var áður samningsbundinn Phoenix Suns. Liðið þykir vera hvað sigurstranglegast í riðlinum. Lewis hefur þó átt í meiðslavandræðum á ökkla en ef hann jafnar sig fljótt og vel gæti verið gott tímabil framundan hjá Orlando. Lykilmaður Miami: Dwyane Wade. Miami Heat Tímabilið í fyrra var skelfilegt hjá Miami Heat. Liðið hafði titil að verja en vann ekki einn leik í úrslitakeppninni í vor. Vendipunkturinn var þegar Dwayne Wade fór úr axlarlið í leik gegn Houston í febrúar. Margir töldu þá að Heat kæmist ekki í úrslitakeppninna en þökk sé Shaquille O'Neal tókst liðinu á endanum að vinna riðilinn. Liðið horfir nú fram á veginn. Penny Hardaway er kominn til liðsins og verður athyglisvert að sjá hvort að hann og Shaq nái jafn vel saman og þeir gerðu á sínum tíma hjá Orlando Magic. Pat Riley þjálfari liðsins losaði sig við Antoine Walker á dögunum og fékk í staðinn þá Mark Blount og Rikcy Davis. En mikið veltur á því hvernig heilsa og form þeirra Shaq og Wade verður. Það verður varla nóg ef Shaq spilar einungis vel í síðustu leikjum tímabilsins. Hardaway er líka mjög meiðslagjarn og hefur ekki spilað í tvö ár vegna ýmissa meiðsla. Lykilmaður Washington: Gilbert Arenas. Washington Wizards Miklar vangaveltur eru nú um framtíð Gilbert Arenas, helstu stjörnu liðsins. Talið er líklegt að hann fari til Los Angeles í skiptum fyrir Kobe Bryant, sem vill losna frá Lakers. Kæmi hann til Washington yrði auðvitað allt vitlaust þar. Þeir Arenas, Caron Butler og Antawn Jamison gætu komið á óvart í vetur og farið langt með liðinu. Liðið hefur undanfarin þrjú ár komist í úrslitakeppnina en síðustu tvö ár tapað fyrir Cleveland í fyrstu umferð. Í vor steinlá liðið, 4-0. Þá var Arenas fjarverandi vegna meiðsla. Ef hann verður heill heilsu í ár, er aldrei að vita hvað liðið nær langt. Arenas er duglegur að lofa sjálfan sig og liðið sitt en verður að láta verkin tala. NBA Mest lesið „Hún reif í mig og hraunaði yfir mig, á Marilegan hátt“ Sport Iðrast gjörða sinna: „Var klárlega rangt af mér“ Íslenski boltinn Ferguson saknar fótboltans Enski boltinn Stöðvuðu bardaga Valgerðar Sport Heimsmeistaranum refsað fyrir notkun blótsyrðis Formúla 1 Þjálfarinn í byrjunarliðinu: „Mér fannst þörf á smá aga í leikinn“ Handbolti Gróðursetja tvö hundruð tré fyrir hvert skorað mark Fótbolti Sjö mörk Jóhönnu hjálpuðu til við að landa fyrsta sigrinum Handbolti Fullkomin byrjun lærisveina Arnórs heldur áfram Handbolti Uppgjörið: Fjölnir - HK 28-27 | Flautumarkið fékk ekki að standa og Fjölnir slapp með sigur Handbolti Fleiri fréttir Woj-fréttin hættir hjá ESPN og snýr sér að öðru Bikarnum úthýst úr Höllinni: „Svekkt en skiljum ákvörðunina“ Martin gerður að fyrirliða Alba Berlin Áhorfspartí á Íslandi vekur athygli Boban kveður NBA og fer til Tyrklands Fjöldi íslenskra kvenna sá Caitlin Clark setja stigamet „Sem samfélag erum við að vakna“ Færir sig á milli liða á Suðurlandinu Njarðvík fær tvo Valin best þriðju vikuna í röð Gamli Boston Celtics miðherjinn segir að Jordan hafi aldrei unnið nein góð lið KR fær króatískan miðherja Keyrði niður körfuboltamann sem lést Frákastadrottningin spilar ekki meira á þessari leiktíð Sá besti í Lettlandi semur við KR Barkley hneykslast á smásálarlegum konum í kringum WNBA „Það verður ný og skrýtin tilfinning“ „Markmið hjá okkur að fá til okkar uppalda KR-inga“ Þórir mættur heim í KR Curry fær meira en átta milljarða fyrir eitt tímabil „Ég gæti auðveldlega verið dauður“ Setti enn eitt metið í nótt Nýr Þórsari kynntur: „Hann kemur frá Cleveland líkt og Lebron James“ Skýtur af lengra færi en bestu NBA strákarnir Vonarstjarna ÍR til Bandaríkjanna Morris spilar með Grindavík í vetur Golden State hetjan Al Attles látin Frábærir þrír leikhlutar ekki nóg á móti Bretum Kallaði Kevin Durant veikgeðja Lykilmenn Íslandsmeistaranna framlengja samninga sína Sjá meira
Tímabilið í NBA-deildinni í körfubolta hefst í kvöld. Eins og alltaf má búast við skemmtilegum vetri en hér má finna helstu upplýsingar um liðin í deildinni. San Antonio Spurs varð meistari í vor en síðustu ár hafa lið í Vesturdeildinni haft mikla yfirburði yfir liðum í Austurdeildinni. Þennan mun má helst sjá á árangri liðanna í fyrra, reiknað upp eftir riðlunum sem liðin leika í. Smellið á riðlana hér að neðan til að skoða umfjöllun um liðin: Suðvesturriðill: 58% sigurhlutfall (238 unnir leikir - 172 tapaðir) Kyrrahafsriðill: 53,1% (218-192)Miðriðill: 52,4% (215-195)Norðvesturriðill: 46,5% (191-219) Suðausturriðill: 45,8% (188-222)Atlantshafsriðill: 43,9% (180-230) Nú er hins vegar Boston Celtics komið með gríðarlega sterkt lið með tilkomu þeirra Kevin Garnett, Paul Pierce og Ray Allen. Kannski að Celtics endurlifi gömlu góðu dagana og skili einum titli í hús. Stóru liðin á vesturströndinni vilja kannski hafa eitthvað um það að segja. Lykilmaður Charlotte: Jason Richardson. Suðausturriðillinn: Charlotte Bobcats Lærisveinar Michael Jordan eiga ágætan möguleika á því að komast í úrslitakeppnina í ár en spekingar halda því fram að liðið skorti reynslu og hæð. Sean May og Adam Marrison eru þó báðir meiddir og verða væntanlega ekkert með á tímabilinu. Það gæti reynst dýrkeypt. Í vor var Sam Vincent ráðinn sem þjálfari liðsins en hann hefur áður starfað sem aðstoðarþjálfari hjá Dallas. Liðið fékk Jared Dudley í nýliðavalinu og gæti reynst góður liðsstyrkur. Það mun einnig skipta miklu máli að Emeka Okafor haldi sér heilum. Þetta er fjórða tímabilið sem Charlotte Bobcats tekur þátt í. Mikið mun mæða á Gerald Wallace sem var stigahæsti leikmaður liðsins á síðustu leiktíð. Jason Richardson kom til liðsins í sumar og gæti styrkt sóknarleikinn. Hann hefur þó líka átt við meiðsli að stríða á undanförnum árum. Liðið er ágæt blanda af ungum og efnilegum leikmönnum ásamt reyndum mönnum. Það má þó lítið út af bera og ef meiðsli leikmanna verða alvarlegri en nú gæti róðurinn orðið þungur. Lykilmaður Atlanta: Joe Johnson (til hægri). Atlanta Hawks Er loksins komið að því að Atlanta Hawks rísi upp úr öskustónni og eigi þokkalegt tímabil? Það lítur allt út fyrir það. Liðið vann sjö af átta leikjum sínum á undirbúningstímabilinu og hefur komið mörgum á óvart með sterkri frammistöðu á vellinum. Liðið hefur ekki komist í úrslitakeppnina á þessari öld. Síðast gerðist það árið 1999 þegar liðið tapaði 4-0 fyrir New York í annarri umferð. Atlanta fékk tvo sterka leikmenn í nýliðavalinu - þá Al Horford og Acie Law. Sá fyrrnefndi var þriðji í valinu og Law ellefti. Liðið hefur styrkt sig og mun bæta sig á tímabilinu. Margir efast þó um að það sé nógu sterkt til að komast í úrslitakeppnina. En ef það heldur áfram á þessari braut er aldrei að vita hvað framtíðin beri í skauti sér. Lykilmaður Orlando: Dwight Howard Orlando Magic Hafa átt frábært undirbúningstímabil og unnið sex leiki af sjö. Fengu gríðarlegan liðsstyrk er Rashard Lewis kom til liðsins frá Seattle en hann og Dwight Howard verða í aðalhlutverki hjá liðinu í vetur. Stan Van Gundy tók við liðinu í sumar en hann stýrði Miami Heat með góðum árangri árin 2003 til 2005. Grant Hill er farinn til Phoenix Suns og hinn mjög svo geðveiki Darko Milicic fór til Memphis. Liðið hefur þó fengið Pólverjann Marcin Gortat sem var áður samningsbundinn Phoenix Suns. Liðið þykir vera hvað sigurstranglegast í riðlinum. Lewis hefur þó átt í meiðslavandræðum á ökkla en ef hann jafnar sig fljótt og vel gæti verið gott tímabil framundan hjá Orlando. Lykilmaður Miami: Dwyane Wade. Miami Heat Tímabilið í fyrra var skelfilegt hjá Miami Heat. Liðið hafði titil að verja en vann ekki einn leik í úrslitakeppninni í vor. Vendipunkturinn var þegar Dwayne Wade fór úr axlarlið í leik gegn Houston í febrúar. Margir töldu þá að Heat kæmist ekki í úrslitakeppninna en þökk sé Shaquille O'Neal tókst liðinu á endanum að vinna riðilinn. Liðið horfir nú fram á veginn. Penny Hardaway er kominn til liðsins og verður athyglisvert að sjá hvort að hann og Shaq nái jafn vel saman og þeir gerðu á sínum tíma hjá Orlando Magic. Pat Riley þjálfari liðsins losaði sig við Antoine Walker á dögunum og fékk í staðinn þá Mark Blount og Rikcy Davis. En mikið veltur á því hvernig heilsa og form þeirra Shaq og Wade verður. Það verður varla nóg ef Shaq spilar einungis vel í síðustu leikjum tímabilsins. Hardaway er líka mjög meiðslagjarn og hefur ekki spilað í tvö ár vegna ýmissa meiðsla. Lykilmaður Washington: Gilbert Arenas. Washington Wizards Miklar vangaveltur eru nú um framtíð Gilbert Arenas, helstu stjörnu liðsins. Talið er líklegt að hann fari til Los Angeles í skiptum fyrir Kobe Bryant, sem vill losna frá Lakers. Kæmi hann til Washington yrði auðvitað allt vitlaust þar. Þeir Arenas, Caron Butler og Antawn Jamison gætu komið á óvart í vetur og farið langt með liðinu. Liðið hefur undanfarin þrjú ár komist í úrslitakeppnina en síðustu tvö ár tapað fyrir Cleveland í fyrstu umferð. Í vor steinlá liðið, 4-0. Þá var Arenas fjarverandi vegna meiðsla. Ef hann verður heill heilsu í ár, er aldrei að vita hvað liðið nær langt. Arenas er duglegur að lofa sjálfan sig og liðið sitt en verður að láta verkin tala.
NBA Mest lesið „Hún reif í mig og hraunaði yfir mig, á Marilegan hátt“ Sport Iðrast gjörða sinna: „Var klárlega rangt af mér“ Íslenski boltinn Ferguson saknar fótboltans Enski boltinn Stöðvuðu bardaga Valgerðar Sport Heimsmeistaranum refsað fyrir notkun blótsyrðis Formúla 1 Þjálfarinn í byrjunarliðinu: „Mér fannst þörf á smá aga í leikinn“ Handbolti Gróðursetja tvö hundruð tré fyrir hvert skorað mark Fótbolti Sjö mörk Jóhönnu hjálpuðu til við að landa fyrsta sigrinum Handbolti Fullkomin byrjun lærisveina Arnórs heldur áfram Handbolti Uppgjörið: Fjölnir - HK 28-27 | Flautumarkið fékk ekki að standa og Fjölnir slapp með sigur Handbolti Fleiri fréttir Woj-fréttin hættir hjá ESPN og snýr sér að öðru Bikarnum úthýst úr Höllinni: „Svekkt en skiljum ákvörðunina“ Martin gerður að fyrirliða Alba Berlin Áhorfspartí á Íslandi vekur athygli Boban kveður NBA og fer til Tyrklands Fjöldi íslenskra kvenna sá Caitlin Clark setja stigamet „Sem samfélag erum við að vakna“ Færir sig á milli liða á Suðurlandinu Njarðvík fær tvo Valin best þriðju vikuna í röð Gamli Boston Celtics miðherjinn segir að Jordan hafi aldrei unnið nein góð lið KR fær króatískan miðherja Keyrði niður körfuboltamann sem lést Frákastadrottningin spilar ekki meira á þessari leiktíð Sá besti í Lettlandi semur við KR Barkley hneykslast á smásálarlegum konum í kringum WNBA „Það verður ný og skrýtin tilfinning“ „Markmið hjá okkur að fá til okkar uppalda KR-inga“ Þórir mættur heim í KR Curry fær meira en átta milljarða fyrir eitt tímabil „Ég gæti auðveldlega verið dauður“ Setti enn eitt metið í nótt Nýr Þórsari kynntur: „Hann kemur frá Cleveland líkt og Lebron James“ Skýtur af lengra færi en bestu NBA strákarnir Vonarstjarna ÍR til Bandaríkjanna Morris spilar með Grindavík í vetur Golden State hetjan Al Attles látin Frábærir þrír leikhlutar ekki nóg á móti Bretum Kallaði Kevin Durant veikgeðja Lykilmenn Íslandsmeistaranna framlengja samninga sína Sjá meira
Uppgjörið: Fjölnir - HK 28-27 | Flautumarkið fékk ekki að standa og Fjölnir slapp með sigur Handbolti
Uppgjörið: Fjölnir - HK 28-27 | Flautumarkið fékk ekki að standa og Fjölnir slapp með sigur Handbolti