Ragna í fjórðungsúrslit

Ragna Ingólfsdóttir er komin í fjórðungsúrslit á alþjóðlegu badmintonmóti í Grikklandi eftir tvo sigurleiki í dag.

Ragna var sett í þriðja sæti í styrkleikaröð mótsins í einliðaleik kvenna og er því talin með sterkustu keppendum mótsins. Hún byrjaði á því að sigra Lotte Bonde frá Danmörku, 21-13 og 21-10.

Nú síðdegis mætti hún Carola Bott frá Þýskalandi í 16-manna úrslitum. Hún tapaði fyrstu lotunni, 21-15, en vann svo örugglega þær tvær næstu, 21-11 og 21-10.

Í fjórðungsúrslitunum mætir Ragna öðrum Þjóðverja, Karin Schnaase. Hún er ekki talin vera meðal þeirra tíu sterkustu í einliðaleik kvenna.