Skorar á Rúv að fá Bjarna Fel til að lýsa leikjum á EM

Henry Birgir Gunnarsson, blaðamaður á Fréttablaðinu og stjórnandi útvarpsþáttarins Skjálfanda á X-inu 977, hefur hrint í framkvæmd undirskriftasöfnun á bloggsíðu sinni. Þar hvetur hann íþróttastjóra Rúv til að fá goðsögnina Bjarna Fel til að lýsa leikjum á EM í knattspyrnu í sumar.

Í viðtali við 24 stundir í dag sagði Hrafnkell Kristjánsson, yfirmaður íþróttadeildar Rúv, að ef til kæmu undirskriftalistar til stuðnings Bjarna í verkefnið - gæti hann ekki annað en tekið mark á slíku.

Bjarni sjálfur útilokaði ekki að taka þátt í EM-ævintýrinu í sama viðtali.

Henry Birgir hefur ákveðið að taka Rúv-menn á orðinu og hefur sett af stað undirskriftalista á bloggsíðu sinni sem þegar hefur fengið talsverðar undirtektir.

Smelltu hér til að skora á Rúv að nýta sér krafta Bjarna Fel við lýsingarnar frá EM í sumar.