Máli Madeleine lokað á mánudag

Kate og Gerry McCann verða hreinsuðu af öllum grunsemdum á hvarfi dóttur þeirra á mánudag. Þau fengu stöðu grunaðra í málinu fljótlega eftir að rannsókn hófst, stúlkan hefur ekki enn fundist. Hjónin verða formlega hreinsuðu af öllum grunsemdum og mun koma yfirlýsing um að ekki sé hægt að tengja þau við hvarfið á mánudag.

Það er breska blaðið The Sun sem segir frá þessu í morgun. Fjórtán mánuðum eftir að dóttir þeirra hvarf mun martröðin engu að síður halda áfram.

Rannsókn lögreglunnar í Portúgal er með öllu klúðursleg og hafa þeir engar vísbendingar um hvað kom fyrir hina ungu dóttur hjónanna. Eftir árangurslausa rannsókn sem hefur kostað milljónir verður málinu formlega lokað á mánudag.

Fernando Pinto yfirmaður rannsóknarinnar lét hafa eftir sér í gær að mál Maddie fengi endi á mánudag.

Heimildir blaðsins herma að sú lausn sé að málinu verði lokað, án niðurstöðu.