Brown er farið að leiðast

Larry Brown segir að sér sé farið að leiðast þófið á skrifstofunni hjá Philadelphia 76ers og segist vilja snúa sér aftur að þjálfun á næsta keppnistímabili. Til greina komi að þjálfa í NBA eða í háskólaboltanum.

Larry Brown hefur ekki starfað sem þjálfari síðan hann var rekinn frá New York Knicks fyrir tveimur árum, en hann gerði Detroit Pistons að NBA meisturum árið 2004.

"Ég ætla að sjá hvort eru störf í boði þarna úti. Mig langar aftur að þjálfa af því mér leiðist," sagði Brown í samtali við Philadelphia Inquirer.