Ernir: Unnum þetta á vörn og markvörslu

„Ég er sáttur með þetta. Við misstum mikilvæga pósta út af framan af en þeir náðu ekki að nýta sér það og voru ekki nógu grimmir í dag fannst mér. Við náðum að spila góða vörn eiginlega allan tímann en hefðum mátt skora aðeins meira. Traust vörn og markvarsla vann þetta í dag," sagði Ernir Hrafn Arnarsson, leikmaður Vals eftir sigur á Fram í dag.

Ernir átti fínan leik í dag með en þeir félagar í Val eru komnir á toppin eftir sigur dagsins.

„Mér líst vel á framhaldið og við höldum okkur klárlega á þessu svæði því við eigum fullt erindi í þetta."