Valur kominn í úrslit

Valsmenn tryggðu sér sæti í úrslitum N1-deildar karla með sigri á HK, 29-25, í oddaleik að Hlíðarenda.

Leikurinn var aldrei spennandi. Valsmenn betri frá upphafi og HK náði aldrei að ógna þeim almennilega.

Þegar sjö mínútur lifðu leiks náði HK að minnka muninn í þrjú mörk, 26-23, en nær komst HK ekki.

Valsmenn því enn ósigraðir á heimavelli sínum í vetur.

Valur-HK 29-25 (17-11)

Mörk Vals: Fannar Friðgeirsson 9/4, Sigurður Eggertsson 6, Arnór Gunnarsson 4/1, Heimir Örn Árnason 3, Hjalti Pálmason 2, Ingvar Árnason 2.

Varin skot: Ólafur Haukur Gíslason 20/1.

Mörk HK: Ragnar Snær Njálsson 5, Ragnar Hjaltested 5/1, Einar Ingi Hrafnsson 4, Valdimar Þórsson 4/2, Gunnar Steinn Jónsson 4, Már Þórarinsson 2, Ólafur Bjarki Ragnarsson 1.

Varin skot: Sveinbjörn Pétursson 19, Björn Ingi Friðþjófsson 1.