Pape var á skotskónum á móti Skotum í dag

Fylkismaðurinn Pape Mamadou Faye skoraði bæði mörk íslenska 19 ára landsliðsins sem vann 2-0 sigur á Skotum í vináttulandsleik í Skotlandi í dag. Liðin mætast í öðrum vináttulandsleik á miðvikudaginn.

Pape Mamadou Faye hefur ekki enn náð að skora í 16 leikjum sínum í Pepsi-deild karla í sumar en fann skotskóna sína í þessum leik. Pape skoraði mörkin sín á 43. og 56. mínútu leiksins.

Kristinn Rúnar Jónsson þjálfar íslenska liðið og fyrirliði þess er Blikinn Finnur Orri Margeirsson.