Jafntefli í toppslagnum

Valur og Haukar skildu jöfn í toppslag N1-deildar karla í æsispennandi leik, 20-20.

Fyrir leikinn voru Valsmenn á toppi deildarinnar með tíu stig eftir sex leiki en Haukarnir taplausir með níu stig eftir fimm leiki í öðru sæti.

Staðan í hálfleik var 9-8, Haukum í vil, en bæði lið voru nokkuð frá sínu besta í fyrri hálfleik.

Valsmenn byrjuðu vel í seinni hálfleik og komust fjórum mörkum yfir, 18-14. Haukarnir náðu þó að svara fyrir sig og jöfnuðu metin aftur.

Síðustu mínúturnar voru æsispennandi en það var gamli Valsarinn, Freyr Brynjarsson, sem tryggði Haukum jafntefli með marki á loksekúndum leiksins.

Hann fékk svo rautt spjald fyrir að trufla miðju Valsmanna en niðurstaðan var jafntefli, 20-20.

Valur - Haukar 20 - 20 (8-9)



Mörk Vals (skot): Ernir Hrafn Arnarson 5 (10), Ingvar Árnason 4 (4), Arnór Þór Gunnarsson 4/1 (9/1), Fannar Þór Friðgeirsson 4 (11), Elvar Friðriksson 3 (9), Orri Freyr Gíslason (1).

Varin skot: Hlynur Morthens 14 (34/3, 41%).

Hraðaupphlaup: 2 (Arnór Þór 2).

Fiskuð víti: 1 (Fannar Þór 1).

Utan vallar: 6 mínútur.

Mörk Hauka (skot): Björgvin Hólmgeirsson 5 (12), Freyr Brynjarsson 4 (4), Guðmundur Árni Ólafsson 3/2 (4/2), Jónatan Jónsson 3 (3), Einar Örn Jónsson 2 (2), Sigurbergur Sveinsson 1/1 (8/1), Heimir Óli Heimisson 1 (2), Þórður Guðmundsson 1 (1), Tjörvi Þorgeirsson (1).

Varin skot: Birkir Ívar Guðmundsson 16 (36/1, 44%).

Hraðaupphlaup: 3 (Freyr 2, Þórður 1).

Fiskuð víti: 3 (Freyr 1, Sigurbergur 1, Þórður 1).

Utan vallar: 4 mínútur.

Dómarar: Anton Pálsson og Hlynur Leifsson.