Valur og Stjarnan unnu - Breiðablik missteig sig

Heil umferð fór fram í Pepsi-deild kvenna í kvöld og þar héldu Valur og Stjarnan áfram góðu gengi sínu en Valur vann KR 4-1 á Vodafonevellinum og Stjarnan vann Aftureldingu/Fjölni 3-0 á Stjörnuvelli.

Breiðablik gaf aftur á móti eftir í toppbaráttunni með 2-0 tapi gegn Þór/KA á Akureyrarvelli en Norðanstúlkur náðu þar með að hefna fyrir 6-1 tapið gegn Blikum í fyrri leik liðanna í Kópavogi.

Dragan Stojanovic, þjálfari Þór/KA, var eðlilega í skýjunum með sigur liðs síns í kvöld en Rakel Hönnudóttir skoraði bæði mörkin á fyrsta hálftíma leiksins.

„Ég er gríðarlega ánægður með lið mitt og mér fannst við spila vel í níutíu mínútur. Við unnum frábæran sigur gegn frábæru liði og erum nú að nálgast toppinn eftir erfiða byrjun á mótinu þegar við töpuðum illa gegn Breiðablik og Val," segir Dragan í samtali við Vísi í kvöld.

Valur og Stjarnan eru með 26 stig, Breiðablik er með 23 stig og Þór/KA fylgir þar fast á eftir með 22 stig.

Úrslit og markaskorarar kvöldsins (heimild: fótbolti.net)

Þór/KA 2-0 Breiðablik

1-0 Rakel Hönnudóttir ('6)

2-0 Rakel Hönnudóttir ('30)

Stjarnan 3-0 Afturelding/Fjölnir

1-0 Inga Birna Friðjónsdóttir ('13)

2-0 Helga Franklínsdóttir ('30)

3-0 Anika Laufey Baldursdóttir ('86)

Rautt spjald: Edda María Birgisdóttir

Fylkir 8-0 Keflavík

1-0 Anna Björg Björnsdóttir

2-0 Anna Björg Björnsdóttir

3-0 María Kristjánsdóttir

4-0 Danka Podovac

5-0 Anna Björg Björnsdóttir

6-0 Anna Björg Björnsdóttir

7-0 (Sjálfsmark)

8-0 Anna Sigurðardóttir

Valur 4-1 KR

1-0 Katrín Jónsdóttir ('27)

2-0 Kristín Ýr Bjarnadóttir ('36)

3-0 Kristín Ýr Bjarnadóttir ('39)

4-0 Dóra María Lárusdóttir ('41)

4-1 Katrín Ásbjörnsdóttir ('58)

GRV 2-1 ÍR

1-0 Alexandra Sveinsdóttir ('20)

2-0 Anna Þórunn Guðmundsdóttir ('50)

2-1 Bryndís Jóhannesdóttir ('65)

Rautt spjald: Micaela L Crowley, ÍR ('20)