LeBron með sérstakt hrekkjavöku-munnstykki með vígtönnum

LeBron James bauð upp á sérstakt munnstykki í fyrsta heimaleik sínum með Miami Heat í nótt en James var þá með 15 stig, 7 stoðsendingar og 6 fráköst í 96-70 sigri á Orlando Magic.

Munnstykki LeBrons vakti mikla athygli en í tilefni af Hrekkjavökunni þá lét James hanna nýtt munnstykki með tveimur vígtönnum eins og sjá má á myndinni hér til hliðar.

LeBron mun örugglega reyna að nota munnstykkið yfir alla Hrekkjavökuhelgina en Miami heimsækir New Jersey á morgun þar sem liðið getur unnið sinn þriðja leik í röð.

NBA-deildin gæti hinsvegar verið búin að banna munnstykkið áður en kemur að þessum leik klukkan 18.00 á morgun.