Massa segir enn möguleika á titli

Felipe Massa telur að möguleikar sínar á titli séu enn til staðar, þó hann sé ekki meðal efstu manna í stigamótinu. Á toppnum trónir Lewis Hamilton, þá Jenson Button og Fernando Alonso. "Þar til ég greini að ekki sé tölfræðilegir möguleikar á titlinum, þá er allt opið. Við höfum séð margt breytast í tveimur síðustu mótum og það getur breyst enn frekar í næstu tveimur", sagði Massa í frétt á autosport.com. Massa lenti í vandræðum í síðasta móti sem var í Kanada og keyrði á Viantonio Liuzzi í upphafi móts og svo Michael Schumacher undir lokin. Massa varð aðeins fimmtándi í mótinu. Massa keppir í Valencia um helgina og sú braut er svipuð og brautin í Montreal og í ljósi þess að hann náði góðum aksturstímum í Kanada telur hann möguleika sína ágæta á Spáni. Alonso verður á heimavelli og er staðráðinn í að komast á verðlaunapall. "Ég býst við að Ferrari verði sterkt á ný í Valencia. Markmiðið er að komast á verðlaunapall og draumurinn að sigra. Ég er bjartsýnn, enda góður liðsandi innan liðsins", sagði Alonso.