FH-ingar unnu sjö marka sigur á toppliði Akureyrar

FH vann sjö marka stórsigur á Akureyri, 30-23, í N1 deild karla í Kaplakrika í kvöld en þetta var þriðji leikur liðanna á einni viku og höfðu Norðanmenn unnið hina tvo. Eftir jafnan fyrri hálfleik tóku FH-ingar öll völd í seinni hálfleiknum sem þeir unnu 17-11 og fögnuðu því sínum fyrsta sigri á móti Akureyri í vetur.

Ásbjörn Friðriksson skoraði átta mörk fyrir FH og Baldvin Þorsteinsson var með sjö mörk. Daníel Freyr Andrésson kom sterkur inn í markið og varði 17 skot.

Guðmundur Hólmar Helgason skoraði sexmörk fyrir Akureyri en Sveinbjörn Pétursson var frábær í marki liðsins og varði 26 alls skot en það dugði ekki til því FH-ingar voru mun sterkari í seinni hálfleiknum.

Fyrri hálfleikurinn var jafn á flestum tölum og liðin skiptust á að vera með forystuna. FH var á endanum með eins marks forskot í hálfleik, 13-12.

FH-liðið byrjaði síðan seinni hálfleikinn af miklum krafti og komst í 17-13, 21-16 og 24-17. FH náð á endanum tíu marka forystu, 28-18, áður en Norðanmenn náðu aðeins að laga stöðuna í lokin.

Þetta var fyrsta tap Akureyrar á árinu 2011 en liðið hafði unnið fyrstu fjóra leiki sína í deild (3) og bikar (1). Framarar hafa nú seinna í kvöld tækifæri til að minnka forskot Akureyringa á toppnum í fjögur stig en FH komst upp fyrir HK í 3. sætið með þessum sigri. HK getur endurheimt sætið með sigri á Val í kvöld.



FH – Akureyri 30-23 (13-12)

Mörk FH (skot): Ásbjörn Friðriksson 8/1 (11/1), Baldvin Þorsteinsson 7 (9), Ólafur Gútafsson 6 (13), Örn Ingi Bjarkason 2 (5), Ari Magnús Þorgeirsson 2 (3), Ólafur Andrés Guðmundsson 2 (7), Atli Rúnar Steinþórsson 1 (2), Þorkell Magnússon 1 (1), Halldór Guðjónsson 1 (3) Benedikt Reynir Kristinsson 0 (1).

Varin skot: Daníel Freyr Andrésson 17/1, Pálmar Pétursson 3.

Hraðaupphlaup: 4 (Baldvin 3, Ásbjörn)

Fiskuð víti: 3 (Hörður, Ólafur, Baldvin)

Utan vallar: 4 mínútur.

Mörk Akureyrar (skot): Guðmundur Hólmar Helgason 6 (14), Bjarni Fritzson 3/1 (8/3), Daníel Einarsson 5 (7), Guðlaugur Arnarson 2 (2), Bergvin Gíslason 2 (3), Hörður Fannar Sigþórsson 2 (2), Heimir Örn Árnason 1 (5), Ásgeir Jóhann Kristinsson 1 (2), Jón Heiðar Sigurðsson 1 (1).

Varin skot: Sveinbjörn Pétursson 26.

Hraðaupphlaup: 5 (Bjarni 2, Heimir, Bergvin, Ásgeir)

Fiskuð víti: 2 (Bjarni 2)

Utan vallar: 2 mínútur.

Dómarar: Anton Gylfi Pálsson og Valgeir Ómarsson.