Fjögur ár liðin frá hvarfi Madeleine

3. maí 2011 16:54

Fjögur ár eru liðin í dag frá hvarfi Madeleine McCann, litlu stúlkunnar sem hvarf af hótelherbergi sínu í Portúgal þar sem hún var í fríi með foreldrum sínum. Madeleine litla var tæplega fjögurra ára gömul þegar hún hvarf og hefur ekkert mannshvarf vakið viðlíka athygli um heimsbyggðina á síðustu áratugum.

Fjölskylda Maddýjar eins og hún var kölluð, hefur nú í hyggju að gefa út bók sem ber nafn hennar og vonast þau til þess að útgáfan verði til þess að þeir sem eitthvað viti um hvarf hennar gefi sig fram.

Til stóð að gefa bókina út í síðustu viku en útgefendurnir ákváðu að fresta útgáfudeginum vegna konunglega brúðkaupsins í Bretlandi.

Rannsókn málsins í Portúgal var formlega hætt í júlí árið 2008 en einkaspæjarar á snærum fjölskyldunnar hafa haldið rannsókn málsins áfram.

Madeleine McCann

Tengdar fréttir

Foreldrar Maddie vilja nýja lögreglurannsókn

Foreldrar Madeleine McCann eru að hefja undirskriftarsöfnun til að þrýsta á yfirvöld í Bretlandi og í Portúgal að skoða að nýju gögn sem snerta rannsókn á máli hennar.

3. nóvember 2010 19:38

Nýjar vísbendingar í hvarfi Madeleine

Verið er að rannsaka nýjar vísbendingar í máli Madeleine McCann, litlu stúlkunnar sem var rænt í Portúgal árið 2007.

20. janúar 2011 22:36

Foreldrarnir skrifa bók um Madeleine

McCann hjónin segja að það hafi verið erfið ákvörðun fyrir þau að skrifa bókina. Eina ástæðan fyrir því að þau skuli gera það sé sú að sjóðurinn sem þau stofnuðu til þess að fjármagna áframhaldandi leit að Madeleine sé að verða uppurinn.

15. nóvember 2010 07:12

Enn leitað að McCann - Hún er hugsanlega í Bandaríkjunum

Portúgalska lögreglan hefur ekki enn gefið upp vonina um að finna Madeleine McCann, sem hvarf árið 2007. Einkaspæjari heldur því fram að stúlkunni hafi verið smyglað til Bandaríkjanna.

18. febrúar 2011 08:35

Fjölmiðlafárið var of mikið fyrir mig

Sænska prinsessan Madeleine talaði í fyrsta sinn opinberlega um sambandsslitin við Jonas Bergström síðasta vor í blaðaviðtali í vikunni. Þau voru nýtrúlofuð þegar upp komst um ítrekað framhjáhald kappans, meðal annars með ungri norskri stúlku sem seldi sögu sína til slúðurblaða þar í landi.

20. nóvember 2010 18:15

Þróaði gögn gegn foreldrum Madeleine

Breska lögreglan hjálpaði þeirri portúgölsku að „þróa" sönnunargögn gegn foreldrum Madeleine McCann, eftir því sem kemur fram í tölvupósti frá sendiherra Bandaríkjanna í Portúgal.

14. desember 2010 10:27

Foreldrar Madeleine fá fund með breskum ráðherra

Theresa May, innanríkisráðherra, hefur ákveðið að hitta foreldra Kate og Gerry McCann, foreldra Madeleine litlu sem hvarf af hótelherbergi í Portúgal árið 2007. Foreldrar hafa að undanförnu lagt mikla áherslu að fá áheyrn hjá May eftir að hún tók við embætti innanríkismála í ríkisstjórn Íhaldsflokksins og Frjálslynda flokksins. Talsmaður innanríkisráðuneytisins hefur staðfest að May muni hitta foreldranna á næstu dögum.

4. júlí 2010 17:30