KA-menn náðu í stig í Mjóddinni og komust upp úr fallsæti

Báðir leikir kvöldsins í 1. deild karla enduðu með jafntefli. Kristinn Freyr Sigurðsson tryggði Fjölni 2-2 jafntefli á móti Víkingi í Ólafsvík og Ómar Friðriksson tryggði KA-mönnum 1-1 jafntefli á móti ÍR í Mjóddinni.

Ómar Hákonarson kom Fjölni yfir í Ólafsvík en mörk frá þeim Guðmundi Steini Hafsteinssyni og Þorsteini Má Ragnarssyni komu Víkingum í 2-1 áður en Kristinn Freyr Sigurðsson jafnaði leikinn sjö mínútum fyrir leikslok.

Haukur Ólafsson kom ÍR í 1-0 á móti KA með marki úr víti en Ómar Friðriksson tryggði KA-mönnum stig og með því fóru þeir upp fyrir Leikni og komust upp úr fallsæti.

Upplýsingar um markaskorara eru fengnar af vefsíðunni fótbolti.net