KR úr leik í Evrópudeild UEFA

KR-ingar töpuðu fyrir Dinamo Tbilisi, 2-0, í síðari leik liðanna í þriðju umferð forkeppni Evrópudeildar UEFA í kvöld. KR er því úr leik eftir að hafa tapað samanlagt, 6-1.

Staðan í hálfleik í kvöld var markalaus en Georgíumennirnir skoruðu bæði mörk sín í upphafi síðari hálfleiks. Fyrst Alberto Yague á 48. mínútu og svo Giorgi Kakhelishvili á 55. mínútu.

Jambul Jigauri fékk svo að líta rauða spjaldið níu mínútum fyrir leikslok en það kom ekki að sök fyrir heimamenn.

Rúnar Kristinsson, þjálfari KR, stillti upp nokkuð óreyndu liði í leiknum og hvíldi marga lykilmenn.

Öll íslensku liðin eru því úr leik í Evrópukeppnunum þetta árið.