Fá Lampard og Terry frí í kvöld?

Chelsea mætir Bayer Leverkusen í Meistaradeild Evrópu í kvöld og segir Andre-Villas Boas, stjóri Chelsea, að hann ætli að gera nokkrar breytingar á byrjunarliði sínu.

Chelsea er enn ósigrað í ensku úrvalsdeildinni eftir fyrstu fjóra leiki sína á tímabilinu og taka móti Leverkusen í fyrstu umferð riðlakeppni Meistaradeildarinnar í kvöld.

En Chelsea mætir Manchester United á sunnudaginn og gaf Villas-Boas í skyn í gær að hann myndi hvíla nokkra leikmenn í kvöld fyrir þann risaslag. Enskir fjölmiðlar fullyrða að þeir John Terry, Frank Lampard og Nicolas Anelka verði allir hvíldir í kvöld.

„Það verða einhverjar breytingar," sagði Villas-Boas. „Við munum svo taka skynsamlegar ákvarðanir fyrir sunnudaginn. Við fáum bara fjóra leiki til að hvíla okkur fyrir þann leik og það verður að taka tillit til þess."

„Þetta er búið að vera mjög þétt. Margir voru með landsliðum sínum í síðustu viku og svo kom leikur gegn Sunderland um helgina. Vonandi munum við taka ákvarðanir sem muni nýtast okkur vel í kvöld sem og fyrir leikinn á sunnudaginn."