Aguero vill verða álíka hetja og tengdapabbi hans

Sergio Aguero, leikmaður Man. City, vill verða álíka mikil stjarna hjá félaginu og tengdafaðir hans, Diego Maradona, var hjá Napoli á sínum tíma. City mætir Napoli í Meistaradeildinni í kvöld á Ítalíu.

"Maradona hefur sagt mér mikið frá Napoli og ég hef séð í sjónvarpinu hvað hann gerði fyrir félagið. Hann skipti öllu máli fyrir stuðningsmennina," sagði Aguero en Maradona leiddi Napoli á toppinn á Ítalíu á sínum tíma og Napoli varð einnig Evrópumeistari með Maradona innanborðs.

"Það er minn draumur að gera álíka hluti með Man. City og Maradona gerði með Napoli."

Maradona verður ekki á leiknum þar sem hann er í Argentínu að undirbúa útför móður sinnar.