Rooney ekki með á æfingu í morgun

Wayne Rooney æfði ekki með félögum sínum í Man. Utd í morgun og það vekur upp spurningar um hvort hann verði í standi til þess að spila gegn Benfica í Meistaradeildinni á morgun.

Rooney spilaði allan leikinn gegn Swansea um helgina og var ekki betur vitað en hann væri heill heilsu. Sir Alex Ferguson, stjóri Man. Utd, vildi ekki svara spurningum um Rooney í morgun en mun líklega tjá sig um málið á blaðamannafundi seinnipartinn.

Jonny Evans var ekki heldur með á æfingunni en stuðningsmenn Man. Utd hafa eflaust minni áhyggjur af því.