Viking hafnaði tilboði Lierse í Indriða

Norska úrvalsdeildarfélagið Viking í Stafangri hefur hafnað tilboði frá belgíska félaginu Lierse í landsliðsmanninn Indriða Sigurðsson.

Egil Östenstad, yfirmaður íþróttamála hjá Viking, staðfestir við norska fjölmiðla að tilboð hafi borist en að því hafi verið hafnað.

Indriði hefur áður spilað í Belgíu en hann var í þrjú ár hjá mála hjá Genk.

Åge Hareide, þjálfari Viking, vill helst ekki sjá á eftir Indriða. „Það yrði óásættanlegt fyrir okkur að missa hann."

Norðmaðurinn Trond Sollied tók nýverið við sem þjálfari Lierse.