Haukar framlengja við lykilmenn

Bikar- og deildarmeistarar Hauka eru á fullu þessa dagana við að ganga frá sínum málum fyrir næsta vetur. Liðið fékk tvo sterka leikmenn á dögunum og hefur nú framlengt samninga við lykilmenn.

Það eru þeir Sveinn Þorgeirsson, Freyr Brynjarsson, Aron Rafn Eðvarðsson, Tjörvi Þorgeirsson, Matthías Ingimarsson og Stefán Rafn Sigurmannsson sem allir hafa gert nýjan samning við Hauka.

Elías Már Halldórsson og Jón Þorbjörn Jóhannsson eru svo mennirnir sem bætast við hópinn.

Nemanja Manolovic er farinn til síns heima og svo gæti farið að Heimir Ólo Heimisson reyni fyrir sér í Svíþjóð en sænska liðið GUIF hefur áhuga á honum.