Gunnar Berg og Skúli þjálfa Stjörnuliðin

Handknattleiksdeild Stjörnunnar tilkynnti í kvöld um ráðningu á þjálfurum meistaraflokka félagsins fyrir næsta vetur. Gunnar Berg Viktorsson mun þjálfa karlaliðið en Skúli Gunnsteinsson kvennaliðið.

Gunnar Berg hefur verið að þjálfa hjá Haukum undanfarið og var aðalþjálfari Hauka til skamms tíma og var síðan aðstoðarmaður Arons Kristjánssonar í vetur.

Skúli er goðsögn í Garðabænum enda fyrirliði liðsins til margra ára á sínum tíma. Skúli þjálfaði síðast Aftureldingu fyrir tólf árum síðan.

Inga Fríða Tryggvadóttir verður aðstoðarmaður Skúla.