Golf

Stefán Már vill hampa þeim stóra | vinningsskorið langt undir pari

Stefán Már Stefánsson úr Golfklúbbi Reykjavíkur var hársbreidd frá því að landa Íslandsmeistaratitlinum í höggleik þegar mótið fór fram á Grafarholtsvelli árið 2009. Aðeins stórkostleg spilamennska hjá Ólafi Birni Loftssyni úr Nesklúbbnum kom í veg fyrir sigur Stefáns – sem ætlar sér stóra hluti á Íslandsmótinu i höggleik sem hófst í morgun á Strandarvelli á Hellu.

„Mótið leggst vel í mig, völlurinn er í toppstandi og ég hef þær væntingar til sjálfs mín að fara í þetta mót til þess að vinna það," sagði Stefán Már í gær en hann er ekki búinn að gleyma lokasprettinum á mótinu árið 2009 þar sem ótrúlegir hlutir gerðust á stuttum tíma. „Ég gerði svo sem engin mistök á mótinu í Grafarholtinu, Ólafur lék frábært golf og átti þannig skilið að vinna það mót," sagði Stefán en úrslitin réðust í bráðabana eftir að Ólafur hafði unnið upp fimm högga forskot Stefáns með þv´að fá fimm fugla á síðustu fimm holunum.

Viðtalið við Stefán má sjá í heild sinni með því að smella á örina hér fyrir ofan.

Golf

Tengdar fréttir

Tinna ætlar að fá nafn sitt að nýju á bikarinn

Tinna Jóhannsdóttir úr Keili hefur sigrað einu sinni á Íslandsmótinu í höggleik og hún stefnir á að fá nafnið sitt ritað á ný á verðlaunagripinn að loknu mótinu Strandarvelli á Hellu. Tinna hefur ekki náð sér á strik á þessu tímabili en hún er þrátt fyrir það bjartsýn á góðan árangur á mótinu.

Axel Bóasson: Hef undirbúið mig vel

Axel Bóasson hefur titil að verja á Íslandsmótinu í höggleik sem hefst á morgun, fimmtudag, á Strandarvelli á Hellu. Axel, sem er 22 ára gamall, hampaði Íslandsmeistaratitlinum í fyrsta sinn á Hólmsvelli i Leiru í fyrra.

Tvöfaldur Skolli: Hvernig er best að leika Strandarvöll?

Íslandsmótið í höggleik í golfi fer fram á Strandarvelli á Hellu. Keppni hefst fimmtudaginn 26. júlí og eru allir bestu kylfingar landsins á meðal keppenda. Logi Bergmann og Þorsteinn Hallgrímsson fóru yfir það hvernig best er að leika Strandarvöll í þættinum Tvöfaldur Skolli sem sýndur er á Stöð 2 sport.

Óskar, formaður GHR: Presturinn í klúbbnum samdi við veðurguðina

Íslandsmótið í höggleik 2012 fer fram dagana 26.-29. júlí á Strandavelli og er í umsjá Golfklúbbs Hellu. Óskar Pálsson er formaður Golfklúbbs Hellu segir það vera mikla tilhlökkun meðal klúbbsmeðlima að fá að taka á móti öllum bestu kylfingum landsins. Sigurður Elvar Þórólfsson ræddi við hann á kynningarfundi fyrir mótið sem haldinn var í dag.

Birgir Leifur ætlar sér að verða sá sigursælasti frá upphafi

Birgir Leifur Hafþórsson, atvinnukylfingur úr GKG, stefnir á að landa fimmta Íslandsmeistaratitlinum á Íslandsmótinu í höggleik sem hófst í morgun á Strandarvelli á Hellu. Bigir hefur fjórum sinnum fagnað sigri á þessu móti og síðast árið 2010. Birgir segir að hann hafi sett sér það markmið að bæta metið sem þeir Björgvin Þorsteinsson og Úlfar Jónsson eiga – en þeir sigruðu sex sinnum á Íslandsmótinu í höggleik á sínum tíma.

Færri komust að en vildu

Íslandsmótið í höggleik í golfi hefst á fimmtudaginn og fer mótið fram á Strandarvelli á Hellu að þessu sinni. Axel Bóasson úr Keili og Ólafía Þórunn Kristinsdóttir úr GR hafa titla að verja á mótinu.

Mest lesið


Fleiri fréttir

Sjá meira


×

Mest lesið