Jimenez elsti sigurvegari í sögu Evrópumótaraðarinnar

Spánverjinn Miguel Angel Jimenez vann í dag sigur á Hong Kong Open mótinu en mótið er hluti af Evrópumótaröðinni í golfi. Jimenez er elsti kylfingurinn til þess að vinna sigur á mótaröðinni.

Jimenez, sem er 48 ára og 318 daga gamall, spilaði lokahringinn í dag á 65 höggum eða fimm höggum undir pari. Jimenez lauk leik samanlagt á 265 höggum eða fimmtán undir pari.

Metið var í eigu Írans Des Smuth sem sigraði á Madeira mótinu árið 2001 en hann var þá 48 ára og 34 daga gamall.

„Að vinna sigur og verða sá elsti í sögunni 48 ára gamall. Guð minn góður," sagði Jimenez á blaðamannafundi eftir bikarafhendinguna. Þetta var 19. sigur kappans á mótaröðinni.