Hrafnhildur Skúladóttir: Sætur titill

Hrafnhildur Skúladóttir var virkilega ánægð með Deildarmeistaratitilinn sem Valur tryggði sér í dag þegar liðið bara sigur úr býtum gegn HK, 33-28, á Hlíðarenda í kvöld.

Valskonur eru því með 36 stig þegar ein umferð er eftir og hafa tryggt sér Deildarmeistaratitilinn.

„Tilfinningin er frábær og þessi titill er bara virkilega sætur," sagði Hrafnhildur Skúladóttir.

„Þetta er frábært afrek miðað við öll þau áföll sem við höfum gengið í gegnum. Meiðsli hafa verið að plaga hópinn og þetta hefur verið erfitt."

„Við erum búnar að gera ótrúlega góða hluti í deildinni miðað við mjög þunnan mannskap. Undanfarinn ár hefur liðið verið með mikið meiri breidd og því er þetta sérstaklega sætur titill."

„Ég fer í alla leiki til að vinna þá. Næst ætlum við okkur að komast í úrslitaleikinn í Laugardalshöllinni um næstu helgi."

Hægt er að sjá myndband af viðtalinu hér að ofan.