Axel og Guðrún Brá héldu bæði forystunni

Axel Bóasson og Guðrún Brá Björgvinsdóttir úr Golfklúbbnum Keili eru áfram efst á á Egils Gull golfmótinu sem leikið er á Garðavelli á Akranesi en öðrum degi af þremur er nú lokið. Þetta er fyrsta mótið á Eimskipsmótaröðinni.

 

Axel Bóasson úr Golfklúbbnum Keili er með fjögurra högga forystu á aðra keppendur í karlaflokki. Axel sem lék í dag á 74 höggum og er samtals á 144 höggum eða á pari eftir tvo fyrstu hringina. Í öðru sæti er Arnar Snær Hákonarson úr Golfklúbbi Reykjavíkur á 148 höggum eða fjórum höggum yfir pari. Sigmundur Einar Másson úr Golfklúbbi Kópavogs og Garðabæjar og Guðmundur Ágúst Kristjánsson úr Golfklúbbi Reykjavíkur eru jafnir í þriðja sæti en báðir hafa spilað á 149 höggum eða fimm höggum yfir pari.

Guðrún Brá Björgvinsdóttir Golfklúbbnum Keili leiðir með einu höggi í kvennaflokki eftir 36 holur. Þær Sunna Víðisdóttir úr Golfklúbbi Reykjavíkur og Tinna Jóhannsdóttir úr Golfklúbbnum Keili eru jafnar í öðru sætinu. Í fjórða sæti er Ragnhildur Kristinsdóttir Golfklúbbi Reykjavíkur en hún lék best allra í kvennaflokki í dag eða á 73 höggum einu yfir pari.

 

Fjöldi keppanda er nú skorin niður og komast 63 kylfingar áfram í karlaflokki og 21 í kvennaflokki. Lokahringurinn verðu leikinn á morgun sunnudag. Það er hægt að fylgjast með skori keppanda inn á www.golf.is.

 

Staðan í karlaflokki

1. sæti  Axel Bóasson, GK 70-74 = 144 á pari

2.sæti Arnar Snær Hákonarson, GR 76-72 = 148 +4

3.-4. sæti  Sigmundur Einar Másson, GKG 75-74 =149 +5

3.-4. sæti  Guðmundur Ágúst Kristjánsson, GR 72-77 = 149 +5

Staðan í kvennaflokki

1. sæti Guðrún Brá Björgvinsdóttir, GK 73-79 =152      +8

2.- 3. sæti Sunna Víðisdóttir, GR 78-75 =153      +9

2.- 3. sæti Tinna Jóhannsdóttir, GK 75-78 = 153 +9

4. sæti Ragnhildur Kristinsdóttir, GR 83-73 = 156 +12

5. sæti Anna Sólveig Snorradóttir, GK 77-80 =157      +13