Messi: Mourinho mun gera frábæra hluti með Chelsea

Argentínski knattspyrnumaðurinn Lionel Messi telur að Jose Mourinho, nýráðinn knattspyrnustjóri Chelsea, eigi eftir að ná góðum árangri með þá bláu á næsta tímabili.

Messi telur reyndar einnig að Real Madrid eigi eftir að bæta sinn leik eftir að Mourinho yfirgaf félagið fyrir Chelsea.

Carlo Ancelotti tók við Real Madrid í vikunni.

„Spænska deildin er gríðarlega erfið og verður það áfram,“ sagði Messi.

„Mourinho var magnaður stjóri hér á Spáni en það vita allir hvað býr í Ancelotti. Ég tel að Mourinho eigi eftir að gera frábæra hluti hjá Chelsea.“

Neymar gekk í raðir Barcelona á dögunum.

„Hann er magnaður leikmaður sem mun koma með nýjar áherslur að okkar borði. Við getum vel leikið saman hjá Barcelona og ég hlakka til að byrja æfa með honum.“