Vallarmet hjá Ólafi Birni

Ólafur Björn Loftsson úr Nesklúbbnum var heldur betur í stuði í dag á öðrum hring Íslandsmótsins í höggleik sem leikið er á Korpúlfsstaðavelli.

Ólafur Björn lék hringinn í dag á 65 höggum sem er nýtt vallarmet á Korpúlfsstaðavelli. Gildandi  vallarmet var 67 högg en það átti Ólafur Björn ásamt Birgi Leifi Hafþórssyni. Ólafur fékk einn örn, fjóra fulgla og tólf pör á hringnum góða og er sem stendur í 5.-7. sæti á einu höggi undir pari.

Stöðu efstu kylfinga í karla- og kvennaflokki má sjá hér.