Furyk sá sjötti sem leikur á undir 60 höggum

Bandaríski kylfingurinn Jim Furyk gerði sér lítið fyrir í kvöld og lék á 59 höggum á BMW-meistaramótinu í golfi.

Furyk fékk hvorki meira né minna en ellefu fugla, einn örn og aðeins einn skolla.

Furyk er sjötti kylfingurinn sem nær því að leika á undir 60 höggum.

Þrátt fyrir þennan risahring er Furyk jafn Brand Snedeker í efsta sæti mótsins. Hann lék ekki nógu vel í gær og bætti sig um þrettán högg á milli hringja.