Halldór fljótur að jafna sig

Halldór Helgason birti í gær nýtt myndband á síðu sinni þar sem hann bregður á leik í brekkunni í Stoneham í Kanada.

Það varð endanlega ljóst eftir keppni sem fór fram í Stoneham á fimmtudaginn að Halldór myndi ekki keppa á vetrarólympíuleikunum í Sochi í næsta mánuði.

„Ólympíudraumnum er lokið fyrir mig og Ethan Morgan en við vöknuðum loksins og gerðum þetta myndband fyrir ykkur. Njótið,“ skrifaði Halldór á síðu sína í gær og birti meðfylgjandi myndband.

Myndbandið heitir „Meatballs in Stoneham“ eða Kjötbollur í Stoneham.

Halldór keppir í tveimur greinum á X-Games í næstu viku en bróðir hans, Eiríkur, tekur þátt í myndbandakeppni X-Games.