Irene Wüst vann gullverðlaun í 3000 m skautahlaupi kvenna í dag og heldur því sigurganga Hollendinga í greininni á Vetrarólympíuleikunum í Sotsjí áfram.
Með sigrinum varð Wüst sigursælasta skautakona Hollands frá upphafi en þetta voru hennar fjórðu verðlaun á Ólympíuleikum frá upphafi.
Hún vann gull í sömu grein á leikunum í Tórínó árið 2006 og vann þá einnig brons í 1500 m skautahlaupi. Wüst vann svo gull í 1500 m á leikunum í Vancouver fyrir fjórum árum en hún á einnig fjölda verðlauna frá heims- og Evrópumeistarakeppnum.
Hollendingar unnu þrefalt í 5000 m skautahlaupi karla í gær en þar varð Sven Kramer hlutskarpastur.
Wüst fór vegalengdina á 4:00,34 mínútum í dag en í öðru sæti varð hin tékkneska Martina Sablikova á 4:01,95 mínútum. Olga Graf frá Rússlandi hlaut brons á 4:03,47 mínútum.
Þetta voru fyrstu verðlaun Rússa á leikunum í Sotsjí.
Annar hollenskur sigur í skautahlaupi | Myndband
Tengdar fréttir
Kramer í sögubækurnar
Hollendingurinn Sven Kramer varð í dag aðeins annar maðurinn frá upphafi til að verja Ólympíumeistaratitil í 5000 m skautahlaupi karla.
Bein útsending frá Ólympíuleikunum 2014 | Dagur 2
Vísir er með beina útsendingu frá keppni á Vetrarólympíuleikunum í Sotsjí í Rússlandi en annar keppnisdagur leikanna er í dag.
