Íslenski Ólympíuhópurinn var boðinn velkominn á leikana í Sotsjí í dag með sérstakri móttökuhátíð í Ólympíuþorpinu. Viðstödd voru forsetahjónin, hr. Ólafur Ragnar Grímsson og frú Dorrit Moussaieff, sem og forseti ÍSÍ, Lárus L. Blöndal og eiginkona hans Soffía Ófeigsdóttir.
Mótttökuhátíðin í dag var glæsileg og með Íslandi voru þrjár aðrar þjóðir boðnar velkomnar; Venesúela, Perú og Bresku jómfrúareyjarnar.
Flutt voru tónlistaratriði auk þess sem að þjóðsöngvar landanna voru leiknir. Aðalfararstjóri íslenska hópsins, Andri Stefánsson, færði borgarstjóra Ólympíuþorpsins gjöf, en um var að ræða stein úr íslenskri náttúru í glerramma.
Gjöf borgarstjórans, sem er Svetlana Zhurova gullverðlaunahafi frá Ólympíuleikum, var dæmigerð rússnesk babúska merkt Sochi 2014.
Forsetahjónin skoðuðu einnig vistarverur íslenska hópsins og snæddu hádegisverð í matsal Ólympíuþorpsins. Leyst þeim vel á aðbúnað og hrósuðu þau mikið fjallasýninni í þorpinu.
Forsetahjónin hittu íslensku Ólympíufarana í Sotsjí

Mest lesið




Uppgjörið: ÍBV - Víkingur 3-0 | Eyjamenn flugu áfram
Íslenski boltinn

„Hugur minn er bara hjá henni“
Íslenski boltinn


Rekinn út af eftir 36 sekúndur
Handbolti

Neymar fór grátandi af velli
Fótbolti

Segir að öllum hafi verið sama um kvennaliðið í KR
Íslenski boltinn

Van Dijk skrifaði undir nýjan samning við Liverpool
Enski boltinn