Klinsmann óskaði Aroni til hamingju

Landsliðsþjálfari Bandaríkjanna var ánægður með að Aron Jóhannsson sé kominn áfram í 8-liða úrslit Evrópudeildar UEFA.

Mark Arons í fyrri viðureigninni gegn rússneska liðinu Anzhi tryggði liðinu sæti í næstu umferð. Liðin skildu jöfn í Rússlandi í kvöld, 0-0, en Aron spilaði allan leikinn.

Jürgen Klinsmann, þjálfari Bandaríkjanna, notaði tækifærið til að óska Aroni til hamingju með sigurinn á Twitter-síðu sinni í kvöld eins og sjá má hér fyrir neðan.

Aron er einn markahæsti leikmaður hollensku úrvalsdeildarinnar og þykir mjög líklegur til að vera í HM-hópi Bandaríkjanna í sumar.

Congrats to #USMNT@Aronjo20 and @AZ for advancing to the quarterfinals of the #EuropaLeague. Keep it going !!

— Jürgen Klinsmann (@J_Klinsmann) March 20, 2014