James hrifnari af Real Madrid en Barcelona

Kólumbíumaðurinn James Rodriguez segist í samtali við spænska miðla vera spenntur fyrir þeirri tilhugsun að spila í spænsku úrvalsdeildinni.

Rodriguez kom til Monaco frá Porto fyrir síðastliðið tímabil en franska liðið greiddi 45 milljónir evra fyrir kappann.

„Það væri draumi líkast að spila á Spáni,“ sagði Rodriguez. „Það er besta deild heims. Ég er hrifnari af Real Madrid en Barcelona,“ bætti hann við.

Líklegt er að þessi tvö stórlið eru með augastað á þessum 22 ára kappa sem og fleiri stórlið í Evrópu.