Fram ekki í vandræðum gegn ÍR | Valur vann nauman sigur á Fylki

Tveir leikir fóru fram í Reykjavíkurmóti kvenna í handbolta í gær. Fram vann öruggan sigur á ÍR og þá vann Valur nauman sigur á Fylki í Árbænum.

Í Safamýrinni var sigur Fram aldrei í hættu. Fram leiddi 15-7 í hálfleik og vann að lokum 32-16 sigur á liði ÍR. Ásta Birna Gunnarsdóttir fór fyrir liði Fram með fimm mörk.

Í Árbænum var heldur meiri spenna. Valskonur leiddu með einu í hálfleik 14-13 og aftur í leikslok, 26-25. Kristín Guðmundsdóttir var atkvæðamest í liði Vals með átta mörk.