Faðir leikmanns Lakers myrtur í bíl sínum

Bakvörður LA Lakers, Wayne Ellington, er kominn í ótímabundið frá hjá félaginu eftir að faðir hans fannst myrtur á sunnudag.

Ellingtin eldri var skotinn til bana í bíl sínum á gatnamótum í Fíladelfíu. Lögreglan hefur engan grunaðan um verknaðinn.

Leikmaðurinn fékk fréttirnar eftir leik Lakers og Charlotte á sunnudag. Hann hefur beðið fjölmiðla um að virða einkalíf sitt og fjölskyldunnar meðan hún syrgir.

Byron Scott, þjálfari Lakers, segir óákveðið hvenær Ellington snúi aftur. Hann fái þann tíma í frí sem hann þurfi.