Chris Paul sektaður fyrir að gagnrýna dómara

Leikstjórnandinn Chris Paul hjá Los Angeles Clippers í NBA körfuboltanum var sektaður um 25.000 dali fyrir að gagnrýna dómara opinberlega.

Paul lét ummælin falla þegar Clippers tapaði fyrir Cleveland Cavaliers 5. febrúar.

Lauren Holtkamp gaf Paul tæknivillu sem Paul sagði hafa verið „glórulaus dómur“ eftir leikinn. Hann gaf einnig í skyn að annar af tveimur kvenkyns dómurum í NBA væri ekki starfi sínu vaxin þegar hann sagði að „þetta væri kannski ekki fyrir hana“.

Fyrir þessi ummæli er Paul sektaður.