Jón Arnór semur við Valencia

Jón Arnór Stefánsson, íþróttamaður ársins 2014, er búinn að gera þriggja mánaða samning við Valencia í ACB-deildinni.

Þetta staðfesti Jón Arnór í samtali við Karfan.is eftir leikinn gegn Tyrklandi á Evrópumótinu í körfubolta í kvöld.

Jón Arnór þekkir vel til á Spáni en hann hefur leikið þar frá árinu 2009, fyrst með CB Granada, svo CAI Zaragoza og á síðasta tímabili lék hann með Unicaja Malaga.

Sjá einnig: Jón Arnór: Eftir svona mót vill maður ekkert hætta

Jón Arnór átti frábæran leik gegn Tyrkjum en hann skoraði 14 stig, tók fjögur fráköst og gaf átta stoðsendingar í níu stiga tapi Íslands.