Gasol varði þrjú skot í röð frá sama manninum í sömu sókninni

Pau Gasol, miðherji Chicago Bulls, var stigahæstur sinna manna í nótt þegar hann skoraði 24 stig í sigri á Los Angeles Clippers í NBA-deildinni í körfubolta.

Gasol hefur verið frábær síðan hann kom til Chicago, en þessi magnaði spænski miðherji varð Evrópumeistari með Spáni í sumar þar sem hann var einnig kjörinn besti leikmaður mótsins.

Sá spænski er ekkert lamb að leika sér við í varnarleiknum eins og hinn 29 ára gamli Kamerúni, Luc Richard Mbah a Moute, komst að í nótt.

Pau Gasol gerði sér lítið fyrir og varði þrjú skot í röð undir körfunni frá Mbah a Moute. Kamerúninn gerði vel í að ná boltanum aftur tvisvar en hann réð ekkert við varnartilburði Gasol.

Þetta ótrúlega atvik má sjá í draugavél NBA-deildarinnar hér að ofan.