Varnarsigrar Hauka og Gróttu | ÍBV gerði góða ferð í Safamýrina

Úrslitakeppnin í Olís-deild kvenna hófst í kvöld með fjórum leikjum.

Í Garðabænum vann Stjarnan öruggan sigur á Val, 27-20. Lesa má um leikinn með því að smella hér.

Það var ekki mikið skorað í Schenker-höllinni þegar deildarmeistarar Hauka mættu Fylki.

Haukar leiddu allan tímann en tókst aldrei að hrista Árbæinga af sér. Fylkiskonur voru í miklum vandræðum í sókninni skoruðu aðeins fjögur mörk í fyrri hálfleik en staðan að honum loknum var 7-4, Haukum í vil.

Fylkir jafnaði metin í 12-12 um miðjan seinni hálfleik en þá tóku Haukar sér taki, unnu síðustu 11 mínútur leiksins 7-3 og leikinn 19-15.

Maria Ines De Silva, Ramune Pekarskyte og Karen Helga Díönudóttur skoruðu allar fjögur mörk fyrir Hauka en Patricia Szölösi var markahæst í liði Fylkis með fjögur mörk.

Mörk Hauka:

Maria Ines De Silva 4, Ramune Pekarskyte 4, Karen Helga Díönudóttir 4/1, Jóna Sigríður Halldórsdóttir 3, Vilborg Pétursdóttir 1/1, Erla Eiríksdóttir 1, María Karlsdóttir 1, Ragnheiður Sveinsdóttir 1.

Mörk Fylkis:

Patricia Szölösi 4/2, Hildur Björnsdóttir 3, Thea Imani Sturludóttir 3, Hildur Karen Jóhannsdóttir 2, Kristjana Björk Steinarsdóttir 1, Vera Pálsdóttir 1, Ólöf Kristín Þorsteinsdóttir 1.

Íslandsmeistarar Gróttu sýndu styrk sinn gegn Selfossi á heimavelli og unnu 10 marka sigur, 27-17.

Jafnræði var með liðunum í fyrri hálfleik og þegar tvær mínútur voru til hálfleiks var staðan 9-9.

Grótta skoraði þrjú síðustu mörk fyrri hálfleik og þrjú fyrstu í seinni hálfleik og lögðu þannig grunninn að sigrinum.

Seltirningar juku muninn jafnt og þétt og á endanum munaði 10 mörkum á liðunum, 27-17.

Anna Úrsúla Guðmundsdóttir var markahæst í liði Gróttu með sex mörk en Hrafnhildur Hanna Þrastardóttir skoraði mest fyrir Selfoss, eða fimm mörk.

Mörk Gróttu:

Anna Úrsúla Guðmundsdóttir 6, Arndís María Erlingsdóttir 4, Lovísa Thompson 4, Þórey Anna Ásgeirsdóttir 4, Anna Katrín Stefánsdóttir 3, Sunna María Einarsdóttir 2/1, Laufey Ásta Guðmundsdóttir 2, Eva Björk Davíðsdóttir 2.

Mörk Selfoss:

Hrafnhildur Hanna Þrastardóttir 5/3, Steinunn Hansdóttir 4, Carmen Palamariu 4, Perla Ruth Albertsdóttir 2, Adina Maria Ghidoarca 1, Kristrún Steinþórsdóttir 1, Elena Elísabet Birgisdóttir 1.

Eyjakonur gerðu góða ferð í Safamýrina og unnu tveggja marka sigur á Fram, 21-23.

Framkonur leiddu í hálfleik, 12-11, en í seinni hálfleik náðu Eyjakonur undirtökunum og byggðu upp forskot sem heimakonur náðu ekki að brúa.

Drífa Þorvaldsdóttir skoraði átta mörk fyrir ÍBV og Telma Silva Amado skilaði sjö mörkum af línunni. Ragnheiður Júlíusdóttir var markahæst í liði Fram með sjö mörk.

Mörk Fram:

Ragnheiður Júlíusdóttir 7, Sigurbjörg Jóhannsdóttir 4, Marthe Sördal 3, Arna Þyri Ólafsdóttir 2, Hekla Rún Ámundadóttir 2, Steinunn Björnsdóttir 2, Hildur Þorgeirsdóttir 1.

Mörk ÍBV:

Drífa Þorvaldsdóttir 8/1, Telma Silva Amado 7, Díana Dögg Magnúsdóttir 4/1, Ester Óskarsdóttir 2, Þóra Guðný Arnarsdóttir 1, Sandra Dís Sigurðardóttir 1.