Körfuboltakvöld: Það var hiti í Breiðholtinu

Sérfræðingarnir í Körfuboltakvöldi rýndu í leik ÍR og Grindavíkur í Hertz-hellinum fyrir helgi en það var hiti í mönnum um tíma og virtist ætla að sjóða upp úr um tíma.

Þegar atvikið var nánar skoðað virtust leikmenn vera að láta sig falla full auðveldlega og höfðu sérfræðingarnir tveir, Hermann Hauksson og Fannar Ólafsson, gaman af tilburðum leikmanna liðsins.

Hermann sagðist búast við að sjá svona tilburði á fótboltavelli en hann sagði svona hegðun ekki eiga heima inn á körfuboltavellinum.

Myndband af þessu má sjá hér fyrir ofan.