Fín frammistaða en þriggja marka tap á móti silfurliði EM

Íslenska kvennalandsliðið í handbolta tapaði í kvöld með þremur mörkum á móti Hollandi, 23-20, í vináttulandsleik í Almere í Hollandi.

Hollenska landsliðið er eitt hið sterkast í heimi en liðið fékk silfur á síðasta Evrópumeistaramóti eftir tap á móti Noregi í úrslitaleik og komst líka í úrslitaleikinn á síðasta heimsmeistaramóti.

Hollenska liðið komst í 6-3 í upphafi leiks og var síðan tveimur mörkum yfir í hálfleik, 10-8.  Fyrri hálfleikur var mjög fjörugur en Holland var þó alltaf skrefinu á undan. Íslenska liðið byrjaði illa í síðari hálfleik og náði Holland forystu 15-8 en þá kveiknaði á íslenska liðinu sem náði að minnka muninn í 17-15 eftir um 15 mínútna leik í sinni hálfleik.

Holland var fjórum mörkum yfir, 22-18, þegar fimm mínútur voru eftir en íslensku stelpurnar unnu lokamínúturnar 2-1.

Íslensku stelpurnar hafa í vikunni verið í æfingarbúðum í Hollandi og spila annan leik við heimastúlkur á morgun.



Mörk Íslands í leiknum skoruðu:

Helena Rut Örvarsdóttir 4, Birna Berg Haraldsdóttir 4, Ragnheiður Júlíusdóttir 3, Þórey Rósa Stefánsdóttir 2, Karen Knútsdóttir 2, Rakel Dögg Bragadóttir 2, Rut Jónsdóttir 1, Steinunn Björnsdóttir 1 og Hildigunnur Einarsdóttir 1.

Hafdís Renötudóttir átt frábæran leik í markinu og varði 16 bolta.



Leikmannahópur Íslands:

Birna Berg Haraldsdóttir, Glassværket

Elena Birgisdóttir, Stjörnunni

Elín Jóna Þorsteinsdóttir, Haukar

Hafdís Renötudóttir, Stjarnan

Helena Rut Örvarsdóttir, Stjarnan

Hildigunnur Einarsdóttir, Leipzig

Hrafnhildur Hanna Þrastardóttir, Selfoss

Karen Knútsdóttir, Nice

Ragnheiður Júlíusdóttir, Fram

Rakel Dögg Bragadóttir, Stjarnan

Rut Jónsdóttir, Mitjylland

Steinunn Hansdóttir, Skanderborg

Steinunn Björnsdóttir, Fram

Thea Imani Sturludóttir, Fylkir

Þórey Rósa Stefánsdóttir, Vipers

Unnur Ómarsdóttir, Grótta

Starfslið:

Axel Stefánsson, þjálfari

Jónatan Magnússon, aðstoðarþjálfari

Þorbjörg Jóh. Gunnarsdóttir, liðsstjóri

Katerina Baumruk, sjúkraþjálfari