Grímur og Leifur ráðnir til Flugfélags Íslands

Grímur Gíslason hefur verið ráðinn forstöðumaður sölu- og markaðssviðs Flugfélags Íslands og Leifur Guðmundsson forstöðumaður tæknisviðs félagsins.

Í tilkynningu frá félaginu segir að Grímur hafi undanfarið gengt stöðu sölustjóra Icelandair á Íslandi en á árunum 2015 til 2017 hafi hann verið hjá Icelandair í Evrópu, fyrst sem markaðsstjóri fyrir Mið-Evrópu og síðan sem sölustjóri fyrir Þýskaland, Sviss og Austurríki. Grímur var á árunum 2012 til 2015 vörumerkjastjóri Icelandair. Hann lauk BS-gráðu í viðskiptum og markaðsfræðum frá Háskólanum í Reykjavík árið 2011. Hann er giftur og á eitt barn.

„Leifur hefur verið flotastjóri Avion Express í Litháen frá 2014 en var þar áður hjá Smart Lynx í Lettlandi og Eistlandi frá 2009 og gegndi þar m.a. stöðu tæknistjóra. Leifur vann á árunum 1998-2009 á tæknisviði Flugfélags Íslands í ýmsum störfum m.a. sem innkaupastjóri og sem yfirmaður skipulagsdeildar.

Leifur lauk námi í flugvirkjun árið 1998 við Embry Riddle háskólann í Florida í Bandaríkjunum. Hann er giftur og á þrjú börn,“ segir í tilkynningunni.