Rúnar kominn með nýjan þjálfara

Þýska úrvalsdeildarfélagið Hannover-Burgdorf samdi í dag við tvo Spánverja um að þjálfa félagið næsta vetur.

Carlos Ortega verður aðalþjálfari liðsins en honum til aðstoðar verður Iker Romero. Þeir skrifuðu undir tveggja ára samning við félagið.

Ortega var þjálfari ungverska liðsins Veszprém, sem Aron Pálmarsson leikur með, frá 2012 til 2015 en þjálfaði lið Kolding í Danmörku síðasta vetur.

Romero var einn besti leikmaður spænska landsliðsins í áraraði rog spilaði meðal annars með Ciudad Real og Barcelona.

Landsliðsmaðurinn Rúnar Kárason leikur með Hannover og fær vonandi fleiri tækifæri hjá Spánverjunum en hann fékk hjá fráfarandi þjálfara.