Guðrún Brá finnur sig frábærlega í Alpaloftinu

Guðrún Brá Björgvinsdóttir, úr Golfklúbbnum Keili, er að leika frábærlega á Evrópumóti einstaklinga í golfi sem fer þessa dagana fram í Lausanne í Sviss.

Guðrún Brá lék á á 69 höggum á fyrsta keppnisdegi eða þremur höggum undir pari og fylgdi því síðan eftir með því að leika á 70 höggum á öðrum keppnisdegi í dag.  Alpaloftið er greinilega að hafa mjög góð áhrif á Hafnfirðinginn.

Guðrún Brá fékk alls sex fugla og þrjá skolla á fyrsta hringnum en var með fimm fugla og fjóra skolla í dag.

Guðrún Brá var reyndar komin níu höggum undir par eftir fyrstu níu holurnar í dag. Fimm fuglar á fyrri níu skiluðu henni upp í efsta sætið en hún fékk síðan fjóra skolla á seinni níu holunum og datt aftur niður í annað sætið.  

Zhen Bontan frá Frakklandi er efst á sjö höggum undir pari en í Ítalinn Alessandra Fanali deilir öðru sætinu með okkar konu.  Báðar hafa þær spilar 36 fyrstu holurnar á fimm höggum undir pari.

Saga Traustadóttir og Ragnhildur Kristinsdóttir, báðar úr GR, taka einnig þátt í mótinu. Saga er í 128. Sæti á tólf höggum yfir pari og Ragnhildur er í 140. Sæti á 22 höggum yfir pari.

Allir bestu áhugakylfingar Evrópu taka þátt á þessu móti. Alls verða leiknir 4 hringir á fjórum keppnisdögum og eru 144 keppendur sem taka þátt. Mótið fer fram í Sviss rétt norðan við borgina Lausanne en keppnisvöllurinn er í 850 metra hæð.