Sævar Ingi ráðinn sjóðsstjóri hjá Stefni

Sævar Ingi Haraldsson hefur verið ráðinn sem sjóðstjóri í skuldabréfateymi Stefnis.

Í tilkynningu kemur fram að Sævar hafi frá árinu 2015 unnið hjá Fossum mörkuðum hf.

„Áður en Sævar hóf störf hjá Fossum vann hann hjá Arion banka og forverum við markaðsviðskipti, fyrst 2007-2008 og svo aftur 2009-2015.

Sævar er með B.Sc. í iðnaðarverkfræði frá Háskóla Íslands og M.Sc. gráðu í stærðfræðilegum fjármálum frá Boston University. Hann hefur jafnframt lokið námi í verðbréfaviðskiptum,“ segir í tilkynningunni.