Eiður ráðinn til VÍS

Eiður Eiðsson hefur verið ráðinn forstöðumaður stafrænna verkefna hjá tryggingafélaginu VÍS.

Í tilkynningu frá VÍS segir að Eiður muni hafa umsjón með þróun og innleiðingu stafrænna lausna. Sé það liður í stefnu VÍS að vera leiðandi í stafrænum lausnum þar sem lögð er áhersla á virði fyrir viðskiptavini. 

„Eiður kemur til VÍS frá Arion banka þar sem hann var verkefnastjóri í Stafrænni framtíð og kom þar að mörgum af stærstu upplýsingatækniverkefnum sem bankinn hefur ráðist í á undanförnum árum. Hann er viðskiptafræðingur og býr yfir meira en 20 ára reynslu úr upplýsingatæknigeiranum. Eiður kemur til starfa um miðjan desember,“ segir í tilkynningunni.