Leikari úr Cosby-þáttunum látinn

Bandaríski leikarinn Earle Hyman er látinn, 91 árs að aldri. Hyman var þekktastur fyrir hlutverk sitt sem Russell Huxtable, föður Bill Cosby, í þáttunum The Cosby Show.

Hyman lést á hjúkrunarheimilinu Lillian Booth Actors Home í New Jersey á föstudaginn.

Á leiklistarferli sínum fór Hyman með fjölmörg hlutverk í leikhúsum en hann fékk fyrsta hlutverk sitt á Broadway í leikritinu „Run Little Chillun“ árið 1943.

Hyman var tilnefndur til Emmy-verðlauna fyrir hlutverk sitt sem Russell Huxtable árið 1986.

Cosby minntist Hyman á Twitter í morgun.