Áttunda þrenna Westbrook á tímabilinu | Myndband

Russell Westbrook fór á kostum fyrir Oklahoma City Thunder þegar að liðið vann Utah Jazz, 100-94, í NBA-deildinni í körfubolta í nótt.

Westbrook náði í áttundu þrennu sína á tímabilinu með því að skora 34 stig, taka þrettán fráköst og gefa fjórtán stoðsendingar. Algjörlega mögnuð frammistaða.

Paul George skoraði 21 stig fyrir Þrumuna og Steven Adams 20 stig en alls skoraði byrjunarlið OKC 93 af 100 stigum liðsins í nótt.

Oklahoma City er enn þá í níund aæsti deildarinnar með ellefu sigra og tólf töp en liðið kæmist ekki í úrslitakeppnina ef deildarkeppninni myndi ljúka í dag.

Úrslit næturinnar:

Toronto Raptors - Phoenix SUns 126-113

Portland Trail Blazers - Washington Wizards 92-106

OKC Thunder - Utah Jazz 100-94