Pamela flutt inn til Rami í Frakklandi

Kvikmyndastjarnan Pamela Anderson er flutt til Frakklands og inn til unnusta síns, franska landsliðsmannsins Adil Rami.

Pamela hefur ákveðið að setja lúxusvillu sína í Malibu á leigu og hefur komið sér vel fyrir hjá Rami í Marseille. Þau hittust fyrst á Mónakókappakstrinum í Formúlu 1 á síðasta ári.

Nokkur aldursmunur er á parinu. Pamelu er fimmtug en Rami 32 ára. Ástin hefur nú aldrei spurt um aldur.

Baywatch-stjarnan fyrrverandi hefur verið fastagestur á heimaleikjum Marseille í vetur. Ljósmyndurum til mikillar gleði.